პარტნიორობა
"ჩაფიძის გულის ცენტრი“ აქტიურად თანამშრომლობს მსოფლიოს სხვადასხვა წამყვან კლინიკებთან: გერმანიის, აშშ-ს, ავსტრიის, რუსეთის, თურქეთის წამყვან კლინიკებთან და კვლევით ცენტრებთან.
მათ შორის განსაკუთრებით აღსანიშნავია გერმანიაში - "Herz-Zentrum Bad Krozingen“ (www.herzzentrum.de), ბად კროცინგენის გულის ცენტრთან მრავალწლიანი თანამშრომლობა, რომელსაც საფუძველი ჩაეყარა 1994 წელს და რომლის შედეგად 2011 წ. დაარსდა პირველი ქართულ-გერმანული გულის ცენტრი, რომელიც არის ერთ-ერთი საერთაშორისო ერთობლივი სამედიცინო პროექტი, რომელიც წარმატებით განხორციელდა.
ქართულ-გერმანული გულის ცენტრის მისია:
ქართულ-გერმანული თანამშრომლობის საფუძველზე, გადაუდებელი კარდიოლოგიის ცენტრის ბაზაზე თანამედროვე, ევროპული სტანდარტების დონის კარდიოვასკულარული მომსახურების სისტემის შექმნა.
პარტნიორობის ისტორია:
1994 წ. - ჯანდაცვის მინისტრის ბატონ ავთანდილ ჯორბენაძის ვიზიტი "ბად კროცინგენის გულის ცენტრში“. დაიდო შეთანხმება საქართველოში ინტერვენციული კარდიოლოგიისა და კარდიოქირურგიის სერვისების განვითარების შესახებ.
1998 წ. - "ბად კროცინგენის გულის ცენტრის“ გულის კათეტერიზაციის ლაბორატორიაში ქართველი ექიმების ტრენინგები.
1999 წ. - ინტერვენციული კარდიოლოგიის განყოფილების პროფესორის ბატონ ბიუტნერის ვიზიტი საქართველოში და ჩაფიძის ცენტრის ადგილობრივ ექიმებთან პირველი 12 პერკუტანული კორონარული ინტერვენცია (PCI).
1999-2000 წწ. - ეროვნული საინფორმაციო სასწავლო ცენტრის დახმარებით ხორციელდებოდა ტელეკარდიოლოგიის პირველი პროექტი, რომლის მეშვეობით ჩაფიძის ცენტრის პაციენტთა სკანირებული კორონაროგრამები გადაეცემოდა ბად-კროცინგენის ცენტრს, სადაც ხდებოდა მათი ტელეკონსულტაცია და მკურნალობის მეთოდების (PCI ან CABG) შერჩევა, შუნტირების რთული შემთხვევების საჭიროებისას - პაციენტების გაგზავნა გერმანიაში.
2000 წ. – ”საქართველოში თანამედროვე კარდიოლოგიის განვითარების ხელშემწყობი” გერმანულ-ქართული ასოციაციის დაფუძნება ბად კროცინგენში (გერმანია).
2000 წ. მარტი - დაიწყო მოსამზადებელი სამუშაოები გადაუდებელი კარდიოლოგიის ცენტრის კარდიოქირურგიული სამსახურის შესაქმნელად. აპარატურით აღჭურვასა და კადრების მომზადებაში აღსანიშნავია გერმანიის და იაპონიის მთავრობების დახმარება.
2000-2009 წწ. - ქართველი ექიმების, ექთნების და სამედიცინო ტექნიკური ჯგუფის (40-ზე მეტი პერსონალი) ტრენინგები ბად კროცინგენის გულის ცენტრში.
2001-20004 წწ.- ბად კროცინგენის ექიმების მრავალჯერადი (დაახლოებით 10) ვიზიტი ჩაფიძის ცენტრში. 500-ზე მეტი ერთობლივი კარდიოვასკულარული ოპერაცია.
2000, 2006, 2007- ერთობლივი გერმანულ-ქართული სამეცნიერო სიმპოზიუმების ჩატარება თბილისში.
2004 - ბად კროცინგენის გულის ცენტრის ერთ-ერთი გულსისხლძარღვთა წამყვანი ქირურგის, დოქტორ პიტერ ტოლენარის გადმოსვლა სამუშაოდ ჩაფიძის სახ. გადაუდებელი კარდიოლოგიის ცენტრში.
პარტნიორობის მეორე ეტაპი:
2011 წ. "ქართულ-გერმანული ჰოსპიტლის - ჩაფიძის გულის ცენტრის” დაარსება.
პარტნიორობის მიზნები:
- ქართულ-გერმანულ გულის ცენტრში ინტერვენციულ კარდიოლოგიასა და გულ-სისხლძარღვთა ქირურგიაში უახლესი მეთოდების დანერგვა
- ელექტრონული ჯანმრთელობის და ტელემედიცინის თანამედროვე მეთოდების პრაქტიკაში დანერგვა
- ახალი სერვისების დანერგვა-განვითარება: ელექტროფიზიოლოგია, არითმოლოგია, ინტერვენციული ანგიოლოგია
- სამედიცინო მომსახურეობის ევროპული სტანდარტების დანერგვა
- სამედიცინო მომსახურეობის მაღალი ხარისხის უზრუნველყოფა
- ფრაიბურგის უნივერსიტეტისა და ბად-კროცინგენის გულის ცენტრის ბაზაზე ქართველი ექიმების დახელოვნება.
ჩვენი ადგილობრივი პარტნიორები:
საქართველოს შრომის, ჯანმრთელობის და სოციალური დაცვის სამინისტრო - www.moh.gov.ge
ჯანმრთელობის მსოფლიო ორგანიზაცია - www.who.intბად კროცინგენის გულის ცენტრი - www.herzzentrum.de
ფრაიბურგის უნივერსიტეტი - www.uni-freiburg.de/universitaet-en
თბილისის ივ. ჯავახიშვილის სახელმწიფო უნივერსიტეტი - www.tsu.edu.ge
თბილისის სახელმწიფო სამედიცინო უნივერსიტეტი - www.tsmu.eduსაქართველოს უნივერსიტეტი - www.ug.edu.ge
ილიას სახელმწიფო უნივერსიტეტი - www.iliauni.ge
საქართველოს მეცნიერებათა ეროვნული აკადემია http://science.org.ge
შპს "ივერმედი" www.ivermedi.com
ბერლინის გერმანული გულის ცენტრი - www.dhzb.de/metapages/startpage
საქველმოქმედო ორგანიზაცია - "კარიტას ჯორჯია" - http://caritas.ge
საქართველოს ექთნების ასოციაციაბელორუსის რესპუბლიკის პრეზიდენტის ადმინისტრაციის კლინიკური მედიცინის ცენტრი
საფეხბურთო კლუბი "დინამო თბილისი" - http://fcdinamo.ge/
თბილისის საფეხბურთო კლუბი "ლოკომოტივი"
