კუჭ-ნაწლავის რენტგენოსკოპია, რენტგენოგრაფია - ერთ-ერთი ინფორმაციული გამოკვლევაა. მას შეუძლია, წარმოდგენა შეგვიქმნას მთელი საჭმლის მომნელებელი ტრაქტის (საყლაპავი, კუჭი, თორმეტგოჯა ნაწლავი, წვრილი და მსხვილი ნაწლავები) შესახებ.

კვლევა შეიძლება ჩატარდეს კონტრასტით და უკონტრასტოდ ექიმი-რადიოლოგის მიერ.

ჩვეულებრივი (უკონტრასტო) კვლევა გამოიყენება:

• მუცლის ღრუში თავისუფალი აირის ანუ პნევმოპერიტონეუმის არსებობის დასადგენად
• კუჭის ან ნაწლავების პერფორაციის (მთლიანობის დარღვევის) სადიაგნოსტიკოთ
• ნაწლავთა გაუვალობის სადიაგნოსტიკოთ

კონტრასტული კვლევა (ე.წ. ბარიუმის ფაფის მიღებით დასალევად) გამოიყენება აღნიშნული ორგანოების მორფოლოგიისა თუ ფუნქციის შესასწავლად და ისეთი პათოლოგიების გამოსავლენად, როგორიცაა :

• წყლულოვანი დაზიანება
• გასტროეზოფაგური რეფლუქსი
• დიაფრაგმის საყლაპავის ხვრელის თიაქარი
• სტრუქტურული დარღვევები (დივერტიკული, სტრიქტურა, პოლიპი)
• ანთებითი ხასიათის დაავადებები (ეზოფაგიტი, გასტრიტი, დუოდენიტი, ენტერიტი, კოლიტი)
• სიმსივნური დაზიანება და  სხვა პათოლოგიები

როდის მივმართოთ ექიმს?

თუკი სახეზეა:

• ყლაპვის დარღვევევა
• მკერდის ან მუცლის ღრუს საპროექციო არეში ტკივილის ეპიზოდები
• პირღებინების ეპიზოდები
• შეკრულობისა და ფაღარათის ეპიზოდები
• სისხლიანი განავლის ეპიზოდები